Kristínar blogg

Blogg pása

2009-02-23T23:32:00.001-08:00

Tímabundin bloggpása, laet vita ef (thegar) ég byrja ad blogga aftur.

Ný vinna/ doktorsnám

2009-02-05T00:22:00.000-08:00

Jaeja thá er ég komin á nýja vinnustadinn, búin ad vera hér sídan á mánudag. Ég er sem sagt byrjud í doktorsnámi fyrir thau ykkar sem ekki vissud thad. Námid fer fram í laeknadeild háskólans í Barcelona (sem er rétt hjá Sabadell) , nánar tiltekid frumulíffraedideild. Ég fékk styrk frá katalónska ríkinu til ad gera thetta, sem var mjog ánaegjulegt fyrir mig.

Thad sem ég hef verid ad gera thessa fyrstu daga er ad klippa og líma. Litlar myndir af litningum (sjá mynd hér ad ofan) og líma aftur á blad og rada theim upp í theirri rod sem their eiga ad vera. Fyrst var thetta mjog erfitt, manni fannst their allir eins, en núna er ég farin ad sjá thetta adeins betur.
Fólkid herna er alminnilegt og mér líst vel á thad, en vinnuadstadan er ekki gód. Engin tolva t.d. bara 4 sameiginlegar tolvur fyrir fullt af fólki. Skrifbordid mitt er heldur ekki upp á marga fiska, thad er út á midju gólfi og er ég í sal med fullt af odru fólki. Stólinn hálfgerdur ruggustóll og grjóthardur.
En madur vennst thessu sennilega eins og ollu odru...

Allavegana er ég ánaegd ad vera loksins ad fara laera eithvad nýtt og allt thetta er alveg nýtt fyrir mig.

Verkefnid mitt mun fjalla um hvort fólk sem ordid hefur fyrir mikilli mengun af voldum olíu hafi ordid fyrir heilsufarsskada. Thid munid kannski eftir olíuslysinu sem vard vid strendur Spánar haustid 2002 thegar olíuflutningaskipid Prestige sokk og med thvi gífurlegt magn af mjog svo mengadri olíu. Margir sjómenn unnu vid hreinsunarstorf og voru their margir hverjir illa vardir. Tekin voru sýni úr theim fljótlega eftir ad their hofdu lokid vinnunni og svo voru aftur tekin sýni úr theim núna 6 árum sidar. Thannig ad ég mun notast vid thessi sýni sem voru tekin 6 árum eftir slysid, thar sem hin sýnin sem voru tekin strax sýndu fram á ad their hofdu hlotid ákvedinn skada. Ég tharf thví ad athuga hvort skadinn sem their urdu fyrir sé enn til stadar 6 árum sídar, eda hvort their hafi jafnad sig.

Bless í bili!!
thangad til naest,
Kristín

Hitt og þetta

2009-01-25T12:43:00.000-08:00

Á laugardaginn var brjálað veður hér og tré féllu í hrönnum. Garðurinn okkar slapp að mestu leyti, reyndar féll girðingin á hliðina aftan við húsið. Ragga og Mario voru ekki eins heppin, en það féllu ca 7 tré ofan á húsið þeirra (reyndar búa þau núna bara í gámahúsi, en þau eru að byggja sér nýtt hús). Fórum að heimsækja þau í dag og það var hægara sagt en gert að komast heim til þeirra því margar götur voru ófærar vegna trjáa.

Annars held ég áfram að lesa fréttir frá Íslandi og hef varla undan. Leiðinlegt að heyra um veikindi Geirs, óska honum góðs bata. En er samt enn þeirra skoðunar að hann hefur ekki staðið sig vel sem forsætisráðherra, hvorki fyrir né eftir bankahrunið.

Finnur Ingólfs fær 200 miljónir á ári

2009-01-23T02:44:00.000-08:00

Vá hvað ég verð pirruð þegar ég les svona fréttir. Dæmigerð spilling. Almenningsfyrirtæki selur eign til einkafyrirtækis ( í eigu Finns Ingólfssonar) en verður samt að halda áfram að nota eignina og greiðir leigu á margföldu verði til nýja eigandans (Finns). Hvernig var hægt að gera svona samninga ??

Bókin "Ein til frásagnar"

2009-01-21T23:23:00.000-08:00

Var að ljúka við þessa bók í gær. Fjallar um hvernig Immaculee komst lífs af í þjóðarmorðinu í Rúanda. Alveg frábær bók. Hrikalegt að hugsa til þess hvað það er auðvelt að heilaþvo venjulegt fólk og gera það að morðingjum. En líka frábært að lesa um styrk konunnar og hvernig henni tókst að yfirvinna hatrið. Hún notar einnig hið fræga "leyndarmál" alveg óspart en þau sannindi eru reyndar líka skrifuð í biblíuna, þannig að hún tengir það trúnni. Frábært að sjá hvernig það virkaði alltaf hjá henni.

Allt á fullu!

2009-01-21T05:25:00.000-08:00

Ég missti af einum degi í fréttalesningu frá Íslandi og vá hvað ég missti af miklu!! Ég hef varla undan við að reyna að komast yfir allt fréttaefnið....svakalegt....
Skil vel þessi mótmæli og myndi gjarnan vilja vera þarna með ykkur og sýna samstöðu. Nú er nóg komið af aðgerðarleysi stjórnvalda !!

Geir H Haarde

2009-01-13T02:11:00.000-08:00

Ég er búin að vera dálítið lengi að gera upp hug minn um Geir. Vildi ekki gefa honum fall einkunn alveg strax því ég var ekki viss um að hann væri alveg slæmur. En ég er alltaf að átta mig betur og betur á því að hann er í raun mjög hrokafullur og svo var stefnan hans "gera ekkert stefnan" náttúrulega alveg vita vonlaus. Það sést t.d. mjög vel á myndbandsklippum hjá Láru Hönnu hvernig hann brást við gagnrýni. Ekkert smá hrokafullt þegar hann gerir lítið úr grein Robert Wade sem kom út í júlí í Financial Times, og líkir greininni við aðsenda grein í DV.

Hitt og þetta

2009-01-11T13:06:00.000-08:00

Var að lesa í gömlu tímariti, mannlífi sem kom út fyrir ca einu ári. Þar var grein sem fjallaði um að íslenskir nemar hefðu komið illa út úr alþjóðlegri könnun um námsárangur grunnskólanema. Ákveðnar áhyggjur voru yfir þessum lélegu niðurstöðum. En í lok greinarinnar var hinsvegar farið að tala um hvað íslenskir viðskiptamenn væru að gera það rosalega gott og að þeir hefðu nú stundað nám í íslenskum skólum þannig að þessir skólar gætu nú ekki verið svo slæmir þrátt fyrir allt....
(pælið í þessu þessu var troðið inn í okkur allstaðar).

Fjölskyldan fór í hjóltúr í dag, fallegur dagur í dag og gott veður.

Óskar Helgi var að læra söguna um sipp sem giftist skrat og sippsippanipp sem giftist skratskratarat og sippsippanippsippasúrumsipp sem giftist skratskrataratskrataskrúrumskrat. Okkur fannst þetta mjög skemmtilegt ;)

Í gærkvöldi kom Gabriel í heimsókn til okkar, hann gaf mér matreiðslubókina framandi og freistandi, eftir Yesmine Olsson. Rosalega falleg bók, svo flottar myndir og fallegir litir. Nú verð ég bara að fara að prófa mig áfram með nýjar uppskriftir.

stormsker góður

2009-01-08T06:14:00.000-08:00

http://stormsker.blog.is/blog/stormsker/entry/765652/

nokkrar myndir

2009-01-01T02:57:00.000-08:00

Jólafrí

2008-12-28T23:30:00.000-08:00

Ég er komin aftur í vinnuna eftir viku frí, reyndar byrja ég hægt og rólega sem er náttúrulega frábært, ennþá dálítið eftir af frídögum.

Við fjölskyldan höfðum það bara mjög gott um jólin. Við tókum upp einn sið frá Höllu Tinnu, en það er að borða grjónagraut í hádeginu með möndlu (mín fjölskylda var vön að hafa möndlugrautinn í eftirétt um kvöldið, en mér finnst þetta eiginlega betra). Á aðfangadagskvöld kom tengdamamma og amma og við borðuðum saman íslenskt lambalæri. Það tókst reyndar ekki að hlusta á messuna frá Íslandi, sennilega of mikið álag á síðuna, þannig að við urðum að láta okkur nægja að hlusta á Mahalia Jackson. Höllu Tinnu fannst skemmtilegt að við værum líka vön að hlusta á hana á jólunum, en á hennar heimili var hún nefnilega líka fastur punktur á aðfangadag. Fjóla naut sín best við pakkaopnunia og var hún komin á svo mikla ferð að ég átti í erfiðleikum með að fylgjast með frá hverjum hvaða pakki væri. En mér finnst náttúrulega mikilvægt að krakkarnir læri að kunna meta gjafirnar og þakki fyrir sig.

Á jóladag var jólaveisla hjá Jósep (bróðir Salvadors) og Montse, svakalegt át á manni þann daginn. Svo kom líka Caga Tio, en það er trjádrumburinn frægi, sem krakkarnir eru búnir að mata og á jóladag lemja þau í hann með spítu og fara með ákv. þulu og þá kúkar hann (nammi eða gjöfum). Mjög skemmtilegt, nema hvað að Óskar vildi halda áfram endalaust, jafnvel þó að hann væri löngu hættur að kúka.

Annar í jólum var haldin hátiðlegur með tengdamömmu og ömmu, borðaðir caneloni og fl. en það er hefð hér, flestir borða caneloni 26. des (hakkað kjöt innvafið í pastarúllur) með hvtítri sósu og og osti yfir. Mjög gott (pabba finnst þetta reyndar ekki gott, en það er nú svo sem ekkert að marka hann;)

27. des vorum við með kaffi fyrir vinafólk okkar með börnin sín, þá spjöllum við konurnar saman á íslensku, en karlarnir tala á spænsku, þetta verður alltaf mjög kynskpt hjá okkur, veit samt ekki af hverju....

Í gær fórum við í smá bíltúr upp á fjall, fundum snjó og fórum að renna okkur á sleða. Mjög gaman, nema Fjólu fannst alls ekki gaman. Hún kunni mjög illa við kuldann og snjóinn og grét mest allan tímann, þannig að ferðin var heldur styttri en við hefðum viljað.

Nú er ég svo komin aftur í vinnunna, það er sem betur fer ekki mikið að gera, þannig að ég get bloggað, lesið blogg og kannski tjattað á skype (það er að segja ef einhver nennir að logga sig inn til að tala við mig).

En ég var ekki búin að tilkynna opinberlega að mér hefur hlotnast styrkur frá katalónska ríkinu til að hefja doktorsnám. Fékk að vita þetta rétt fyrir jól og fór strax og tilkynnti uppsögn í vinnunni!!
Eins og ég hef oft sagt hef ég nú ekki verið sérstaklega ánægð hér í vinnunni, enda er starfið frekar leiðigjarnt, launin lág og yfirmanneskjan leiðinleg.

Þannig að ég er rosalega ánægð með þetta, frábært að geta farið að gera eithvað nýtt og spennandi og svo verð ég líka mun nær Sabadell, því háskólinn er mjög náglægt okkur. Segi nánar frá verkefninu síðar, því þetta er farið að verða ansi langt hjá mér.

Jól

2008-12-23T11:48:00.000-08:00

Gleðileg Jól kæru vinir og fjölskylda.

Takk fyrir ánægjulegar samverustundir á liðnu ári.

Kærar kveðjur,

Kristín og fjölskylda

Gott kvót

2008-12-10T01:26:00.000-08:00

" Það er offramboð á skoðunum og skortur á upplýsingum. Finnið ykkur efni til þess að rannsaka! Byrja núna! "

Jón Þórisson skrifaði þetta á eyjuna, alveg sammála honum....

Óskar Helgi

2008-12-09T23:39:00.000-08:00

Það er dálítið sniðugt eitt sem er gert í skólanum hjá Óskari. Einu sinni í viku er valinn einn úr bekknum til að vera í sviðsljósinu, hann er t.d alltaf nr1 í biðröðinni og er kennaranum innan handar með hitt og þetta. En það sem er það skemmtilegasta er að í lok vikunar áður en valinn er nýr þá setjast nemendurnir í hring og allir eiga að segja eithvað fallegt um viðkomandi nemanda. Svo mega nemarnir líka gera eithvað skemmtilegt fyrir þennan sem er í sviðsljósinu eða gefa honum eithvað. Í gær sat Óskar Helgi lengi vel og einbeittur við að skrifa bréf um jólasveininn, en þetta bréf ætlaði hann að gefa Lucíu sem er í sviðsljósinu þessa vikuna. Bréfið, sem var ansi langt, fjallaði um jólasvein sem hann hafði séð í bíómynd um síðustu helgi, rosalega sætt hjá honum :)

hugmynd

2008-12-09T04:55:00.000-08:00

Fékk allt í einu hugmynd að búð. Hvernig væri að opna búð með bara handprjónuðum/hekluðum fötum með allskyns flottum munstrum og myndum. Handprjónaðar peysur eru nánast alltaf íslenskar ullarpeysur, en þær mættu alveg vera íslenskar ullarpeysur en bara með "nýrri" hönnun. T.d. mynd af hesti, fossi, blómi eða bara eithvað öðruvísi en klassíska munstrið.

Tek það samt fram að klassíska munstrið er alltaf klassískt og flott, en það eru náttúrulega fullt af búðum með svoleiðis peysur.

khk

sportastörf

2008-12-09T03:27:00.000-08:00

Sem betur fer eru líka góðar fréttir að berast frá landinu, sbr. blogg Össurar Skarp.

2008-12-08T12:20:00.000-08:00

Hitt og þetta

2008-12-04T23:47:00.000-08:00

Þegar það er svo rosalega margt fréttnæmt í fréttum finnst mér eithvað svo "ómerkilegt" að blogga um það sem við fjölskyldan erum að gera. Reyndar lifi ég mig líka mjög mikið inn í ástandið á Íslandi og nota hvert tækifæri til að lesa fréttir og blogg þaðan. Hér er er listi yfir nokkra góða bloggara núna í kreppu ástandinu

http://vthorsteinsson.blog.is/blog/vthorsteinsson/ ég rakst á þetta blogg fyrir tilviljun, þekki manninn ekki neitt né veit hver hann er, en hafði gaman af að lesa það. Sá svo í fréttunum að hann er stjórnarformaður CCP og kom um daginn í silfur Egils
http://hjalli.com/ Rakst líka á þetta blogg fyrir tilviljun og þekki manninn ekki neitt, en sá síðan að hann kom líka í silfur Egils um daginn :)
http://photo.blog.is/blog/photo/ Þessi bloggar nú reyndar ekki oft, en hann gerði mjög skemmtilegan lista yfir það sem þyrfti að gera á Íslandi núna til að bæta ástandið
http://larahanna.blog.is/blog/larahanna/ Þessa síðu skoðaði ég af því hún er á listanum fyrir vinsæl blogg á mbl.is. Þekki hana ekki neitt, mikil baráttu kona þarna á ferð.
http://toshiki.blog.is/blog/toshiki/ Þetta er japanskur prestur, prestur innflytjenda. Kíkti fyrst á bloggið hans af því að mér fannst áhugavert að japani skrifaði svona góða íslensku. Mjög áhugaverður karl!
Allt sem Jón Steinsson skrifar finnst mér mjög áhugavert. Hann er samt því miður ekki með bloggsíðu, en skrifar sem betur fer oft í blöðin (fréttablaðið að undanförnu) og svo á vefsvæðið deiglan.com. Hef reyndar fylgst með skrifum hans í nokkur ár þar.
Svo er ég líka mjög hrifin af Andra Snæ, sérstaklega núna þar sem ég var að lesa bókina hans. Einnig voru góð svörin hjá honum við spruningum sem settar voru fyrir nokkra útvalda á deiglan.com. Mjög fyndið þegar hann sagðist ætla að kaupa sér flatskjá í mótmælandaskyni við sektarkendina.

Þið megið alveg segja mér frá fleiri áhugaverðum bloggurum (enda geri ég ekkert annað í vinnunni en að hanga á netinu.........) (ok, ekki alveg).

Annars er bara allt ágætt að frétta af okkur, Fjóla litla er reyndar með svakalegan hósta. Eigum tíma hjá lækni í dag til að athuga hvort þetta sé nokkuð bronkítis (en maður heyrir hljóð í henni á nóttunni frá lungunum). Er lítið eða ekkert byrjuð að undirbúa jólin, en það verður vonandi tekin skorpa í því um helgina (svo er frí á mánudaginn).
Óskar er á fullu að mata jóla-trédrumbinn (en maður á sko að mata hann og svo kúkar hann eftir því (dóti, nammi, pökkum). Þetta kemur kannski í staðinn fyrir að setja skóinn út í glugga.
En það verður náttúrulega að aðlagast venjunum hér, enda tala krakkarnir um þetta í skólanum.

Jæja, góða helgi !!
bless bless, Kristín Hildur

Trölladeig

2008-11-23T23:04:00.000-08:00

Um helgina bjuggum við til trölladeig. Hef satt að segja aldrei gert það áður. Mjög mjúkt og gott deig að vinna með. Óskar bjó til mjög fallegt jólatré.
Fyrir þá sem hafa áhuga þá er uppskriftin þessi: 300 gr hveit, 300 gr salt, ein msk. matarolía. Þessu blandað saman í skál og svo bætt við vatni eftir þörfum. Hnoðað upp með höndunum. Bakað við 180 gráður í uþ.þbþ 1 og 1/2 klukkutíma

Lauk við að lesa Draumalandið eftir Andra Snæ, alveg frábær bók! Mér finnst þetta nánast vera skyldulesning fyrir alla Íslendinga.

Gott á Íslandi!!

2008-11-16T12:47:00.000-08:00

Datt í hug að búa til lista yfir það sem er gott á Íslandi (svona til tilbreytingar þessa dagana...)

Vatnið
Íslenska nammið, hvergi betra.
Malt og appelsín (appelsínugos hvergi eins gott og það íslenska, sem ég hef smakkað).
Lambakjötið
Fiskurinn (ég tala nú ekki um ef hann er ný veiddur, t.d. af bryggjunni á Hjalteyri)
Bláberin
Mauraleysið og fátækleg skordýraflóra
Grasið
Fámennið
Duglegt fólk
Sundlaugarnar
Fjölbreytt menningarlíf
Frumleiki í hugsun hjá mörgum
Hnallþórurnar (hvergi fengið betri kökur en á Íslandi)
Sumarbjartar nætur
Kósi kvöld í skammdeginu, þegar fjölskyldur hittast og gera smákökur eða laufabrauð
Hugtakið "þetta reddast" (þó stundum geti það verið ofnotað)

Örugglega margt margt fleira....
Dettur ykkur eithvað í hug ?

Mjög góð ábending !

2008-11-15T03:37:00.000-08:00

Langar að birta pistil sem skrifaður var á deiglan.com, en það hafa margir ungir sjálfstæðismenn skrifað greinar. Sá sem skrifar þessa grein hefur hins vegar ekki verið jafn flokksbundinn, eða flokksblindur og hinir. Enda hefur hann verið í uppáhaldi hjá mér af þeim sem þarna skrifa. Strákurinn er með doktorspróf frá harvard í hagfræði og var einn af þeim sem gangrýndi seðlabankann fyrir hrunið. Í raun er alltaf verið að benda á þetta, en þar sem pistilinn er skrifaður á netsvæði ungra sjálfstæðismanna finnst mér hún áhugaverðari fyrir vikið. Enda er pistlahöfundurinn virtur meðal lesenda síðunnar.

Hér kemur pistilinn;

Í síðustu viku voru ný bankaráð skipuð yfir nýju ríkisbönkunum. Svo virðist sem nýju bankaráðin hafi verið skipuð á pólitískum en ekki faglegum forsendum. Með fullri virðingu fyrir því fólki sem er í þessum nýju bankaráðum þá held ég að enginn telji að þarna fari þegar á heildina er litið þeir aðilar sem eru best til þess fallnir að gæta þeirra gríðarlegu hagsmuna sem skattgreiðendur hafa af rekstri nýju bankanna. Margt af þessu fólki virðist ekki hafa nokkra einustu reynslu af bankastarfsemi.Það er vitaskuld engin nýlunda á Íslandi að fagleg sjónarmið víki fyrir flokkspólitík þegar ráðið er í stöður hjá ríkinu. Á undanförnum vikum höfum við byrjað að súpa seyðið af þessu svo um munar. Er nema von að allt sé að fara til fjandans á Íslandi þegar trekk í trekk er gengið fram hjá hæfasta fólki landsins og afdankaðir stjórnmálamenn, skyldmenni þeirra og aðrir flokkshestar eru ráðnir í margar helstu stöður innan ríkisins.Ráðning Davíðs Oddssonar í stöðu Seðlabankastjóra er gott dæmi. Aðgerðir hans og ummæli á síðustu vikum og mánuðum hafa gert það að verkum að fjöldi erlendra stórblaða hefur birt greinar sem hæðast að honum og hæðast í leiðinni að íslensku þjóðinni.Við þurfum að lifa með afleiðingum pólitískra ráðninga ekki bara í Seðlabankanum heldur einnig í dómskerfinu, lögreglunni, utanríkisþjónustunni, heilbrigðiskerfinu, ráðuneytunum, ríkisstofnunum, ríkisfyrirtækjum og víða annars staðar. Við líðum öll fyrir þessar ráðningar á hverjum degi þótt það sé ekki augljóst nema þegar allt ef komið í óefni.Annað sem við höfum ekki efni á lengur er að þeir sem standa sig ekki í starfi komist hjá því að segja af sér eða vera settir af. Það er nánast engin hefð fyrir því að embættismenn og stjórnmálamenn segi af sér á Íslandi. Einu dæmin um slíkt hafa með smámál að gera eins og bílakaup, laxveiði og nú síðast að reyna að koma höggi á samherja. En þegar hundruð milljóna tapast og nú í seinni tíð hundruð milljarða gerist ekkert. Meira að segja George Bush þurfti á endanum að láta Donald Rumsfeld, Michael Brown og Alberto Gonzales fara. Á Íslandi hefðu þessir menn setið sem fastast.Við erum fámenn þjóð og því kemur oft upp sú staða að langhæfasti aðilinn til einhvers verks er í röngum flokki. Við þurfum nauðsynlega hugarfarsbreytingu í þessum efnum. Við höfum ekki efni á því að ganga fram hjá hæfasta fólkinu þegar kemur að stjórn mikilvægustu stofnana landsins.

Skemmtilegt viðtal

2008-11-12T12:41:00.000-08:00

http://dagskra.ruv.is/streaming/sjonvarpid/?file=4431252/2

Áhugavert blogg og hugmyndir

2008-11-12T03:28:00.000-08:00

www.hjalli.com

2008-11-11T05:09:00.000-08:00

Evra, en ekki evrópusambandið ?

2008-11-10T04:50:00.000-08:00

Var að hlusta á þetta úr Silfri Egils og finnst Þetta spennandi hugmynd. Allavega eithvað sem þarf að athuga.

Tekið af bloggi Láru Hönnu:

Svartfellingar til fyrirmyndar
Óþarfi er að rífast um, hvort taka megi upp evru einhliða eða ekki. Það hefur verið gert án þess að spyrja kóng eða prest. Svartfjallaland gerði það með góðum árangri. Ráðgjafi landsins var Daniel Gros, forstöðumaður Centre for European Policy Studies í Bruxelles. Hann hefur skoðað Ísland og segir bezt að gera það sama hér. Ekki þegar um hægist. Heldur núna strax. Hann vill ekki lánið frá Alþjóða gjaldeyrissjóðnum, sem hann segir gera illt verra. Hann segir Ísland geta útskýrt upptöku evru fyrir eigendum hennar sem neyðarráðstöfun. Sem fyrsta skrefið að innleiðingu evrópskra mannasiða.

Nú svo er ein hugmyndin þessi:
http://kristinnp.blog.is/blog/kristinnp/entry/704914/

Evrópusambandið

2008-11-05T22:59:00.000-08:00

Mikið er talað um evrópusambandið núna og sá ég í könnun að stór meirihluti þjóðarinnar vill inngöngu. Ég sjálf er ekki alveg búin að gera upp hug minn. Þegar Salvador fór að tala um alla spænsku togarana sem myndu streyma til landsins og "ryksuga" upp fiskinn við Íslands strendur stóð mér nú ekki alveg á sama. Það verður að ræða kosti og galla mjög ítarlega. Ég held að ég hallist frekar að samstarfi við Norðmenn, ef það væri hægt.

blogg

2008-11-04T12:05:00.000-08:00

Ég eyði drjúgum tíma í að lesa fréttir og blogg frá Íslandi. Er "heppin" í vinnunni því ég er svo oft að vinna vinnu sem krefst lítillar athygli og gefur mikinn frítíma. Þó svo að ég sé búin að fá hundleið á vinnunni þá kemur það sér ágætlega núna að geta haft tíma til að fylgjast með. Veit samt ekki alveg um hvað ég á að skrifa á mitt blogg, því varla er áhugavert að lesa á minni bloggsíðu um pólítik og kreppu á Íslandi.

Nokkrar nýjar myndir (reyndar var myndin af Óskari tekin á Íslandi í sumar)

2008-10-31T12:52:00.000-07:00

Ýmislegt

2008-10-31T06:20:00.000-07:00

Var að horfa á viðtalið við Björk í kastljósi. Mjög skemmtilegt. Svo var ég líka að lesa þennan lista, mjög áhugaverður.
Góða helgi!
khk

Slæm nótt

2008-10-30T03:45:00.000-07:00

Dálítið súrrealísk nótt hjá okkur í nótt. Salvador á að skila verkefni á hádegi í dag og sat við tölvuna í alla nótt. Var þar enn þegar ég fór á fætur rétt fyrir sjö. Ég vaknaði fyrst um kl 2 við það að Salvador kom með Óskar upp í rúm til mín, því hann var búin að æla út um allt rúmmið sitt. Svo vaknaði hann ca 4-5 sinnum eftir það til að æla. Ég var tilbúin með vaskafatið og rétti honum, einu sinni var ég að flýta mér svo að koma því til hans að ég sullaði gamalli ælu úr vaskafatinu yfir sjálfan mig og sængina í leiðinni. Reyndi samt að halda áfram að sofa, snéri sænginni bara við. Annars lagið heyrðist svo kvörtunarhljóð í Fjólu.

blogg

2008-10-29T07:15:00.000-07:00

Sæl öll.
Langt síðan síðast og margt gerst síðan þá.
Af okkur er bara allt ágætt að frétta. Það helsta er að við erum búin að fá til okkar íslenska stelpu til að aðstoða mig með krakkana og heimilið. Salvador er svo svakalega upptekinn þetta árið, kemur ekki heim fyrr en að verða tíu á kvöldin og þannig að hingað til hef ég verið ein að stússa með krakkana, elda matinn, baða, þrífa osfrv. Auðvitað er allt hægt, og ég viðurkenni alveg að þetta er lúxus, en af því að við höfum tækifæri ákváðum við að prófa þetta. Okkur líst mjög vel á stelpuna og vonandi líst henni líka vel á okkur.

Annars verð ég að segja eins og er að ég er harmi sleginn yfir því sem er að gerast á Íslandi og reyni ég eftir bestu getu að fylgjast vel með. Held að það sé alveg bráðnauðsynlegt fyrir alla að reyna að lesa sig til og setja sig inn í málin. Hingað til hefur fólki kannski verið einum of mikið "sama" um allt og lagt full mikið traust á ráðamenn, án þess að spá mikið í hvað væri um að vera. Núna held ég að allir ættu að reyna að tala saman, hittast á fundum og ræða hlutina. Svo finnst mér líka dálítið vandamál hvað margir virðast vera bundnir við skoðanir "flokksins" og ef þú hefur einhverntíman kosið ákveðin flokk verður þú alltaf að halda því áfram. Fólk verður að reyna að hætta því og skoða hlutina frá öllum hliðum til að reyna mynda sér skoðun á því hvað sé best.

Veit ekki alveg hversu dugleg ég verð að blogga, sjáum til hvort ég komist í gírinn.

Kær kveðja,
Kristín Hildur

BLOGG HLÉ

2008-09-03T23:29:00.001-07:00

Mikið að gera hjá mér þessa dagana, bæði í vinnunni og heima þannig að ég ætla að taka mér blogg pásu fram í oktober.

Ég er á leiðinni..........

2008-07-30T01:46:00.000-07:00

Komum til landsins á föstudaginn um kaffileytið, ég, Óskar og Fjóla. Salvador kemur á laugardaginn með hópnum sínum sem hann er að fara ferðast með um landið.
Hlakka til að sjá ykkur
Blogghlé verður á meðan.

AU PAIR

2008-07-24T22:49:00.001-07:00

Okkur vantar au-pair fyrir næsta vetur. Ef einhver þekkir einhvern þá endilega hafið samband við mig.
Held að þetta gæti verið fínt fyrir einhvern sem vill læra spænsku því ég hafði hugsað mér að manneskjan mundi gæta Fjólu fyrir hádegi og hafa svo frí eftir hádegi. En vera svo til taks seinnipartinn og kannski einstaka kvöld.

LÁTIÐ ÞETTA BERAST !

sæt börn

2008-07-20T13:48:00.000-07:00

plast

2008-07-17T22:52:00.000-07:00

Plastpoka ofnotkun

Fjóla

2008-07-17T00:42:00.000-07:00

2008-07-06T23:20:00.000-07:00

Undirskriftarsöfnun

2008-07-04T04:11:00.000-07:00

Vil hvetja ykkur til að skrifa undir þenna lista. Mér finnst algjör skömm hvernig farið var með þennan mann. Ég meina senda hann frá konu og nýfæddu barni úr landi með eins dags fyrirvara. Hvers konar vinnubrögð eru þetta ??

http://www.thepetitionsite.com/1/PaulRamses

2008-07-04T03:52:00.000-07:00

Ég hef örugglega frá helling að segja, en það hrjáir mig samt einhver bloggleti.
Á morgun fer Salvador til Íslands með Óskar með sér. Hann verður leiðsögumaður fyrir katalónska ferðaskrifstofu og þarf að fara með þeim út og til baka í flugvélinni. Þetta er algjör "lúxus" ferð eða þannig allt er innifalið (nema drykkir). Mér finnst það ótrúlegt samt hvað fólk er tilbúið að borga (og algjört OKUR) af ferðaskrifstofunni en þetta fólk er að borga 550 þúsund á mann, eða 1,1 miljón á hjón fyrir 10 daga ferð um landið. Það sorglega við þetta er að þau fá svo ekki einu sinni að sofa á bestu hótelunum á hverjum stað (þó þau hafi borgað fyrir það) því ferðaskrifstofan gat ekki fengið pláss og svo er þetta líka undarlega skipulagt því þau fá lax í matinn nánast á hverjum degi og stundum jafnvel í hádegismat og kvöldmat......... Jæja best að vera ekki neikvæð fyrirfram, kannski verður þetta frábær ferð og fólkið yfir sig hamingjusamt með alltsaman. Óskar verður á meðan í umsjá frænkna sinna en amma (mamma) kemur ekki fyrr en á þriðjudag. Já talandi um hana þá var ég ekki búin að segja ykkur frá honum pabba mínum, en hann er fluttur til Noregs og farinn að vinna í Osló. Já hann sem er nánast kominn á eftirlaun, enda voru norðmennirnir dálítið hissa á þessu, því flestir norðmenn á hans aldri eru að hætta að vinna. Mamma fór með honum út, en er sem sagt væntanleg aftur fljótlega.

Ég verð ein heima í 10 daga :(

Bless í bili,
khk

Evrópumeistarar

2008-06-29T22:58:00.000-07:00

Spánverjar urðu evrópumeistarar í fótbolta í gær. Það brutust út þó nokkur fagnaðarlæti en þó sennilega ekki eins mikið og annarstaðar á Spáni. Eins og ég hef oft sagt áður er ekki mikil þjóðernistillfining fyrir hönd spánar hér í Katalóniu og flestum nett sama hvort Spánn vinni titla eða ekki. Enda voru fagnaðarlætin þegar Barcelóna vann evrópumeistarakeppnina ekkert lík. Málið er bara að hingað hefur alltaf verið mikill straumur af innflytjendum frá öðrum hlutum Spánar og þetta fólk hefur þjóðernistillfiningu fyrir hönd landsins og það voru því þeir sem fóru út á götur í gærkvöldi og flautuðu eða hlupu um með spænska fánann. En það sem var skemmtilegt er að þjálfari landsliðsins að þessu sinni er ekki eins mikill "madrídisti" og oftast hefur verið. Hingað til hafa landsliðsþjálfararnir nefnilega verið undir mikilli pressu um að taka inn sem flesta menn frá real madrid, en þessi hundsaði þá pressu. Raúl (einn af aðal köllunum í real madrid) sem hefur verið fyrirliði landsliðsins oft, var t.d. ekki með í þessu liði.

Mikið að gera...

2008-06-26T02:45:00.000-07:00

Uff, hvað það er mikið að gera hjá okkur. Ég hef ekki getað sofið heima síðustu 2 nætur því Salvador og rafmagnsmaðurinn hafa þurft að vinna fram á kvöld og Fjóla þarf að fara sofa kl 8, þannig að við höfum sofið hjá tengdó. Svo varð hún veik, fékk hita og svo er allt vitlaust að gera í vinnunni og ég þarf sennilega að koma að vinna á laugardag.

Í gær sagði ein samstarfskona mín dálítið sem ég held að maður eigi aldrei að sega, en hún óskaði sér að verða veik í 2-3 mánuði svo hún gæti verið frá vinnu. Auðvitað var þetta sagt í gríni, af því að það er búið að vera svo mikið vesen hjá okkur í vinnunni. Fyrir utan þetta þá vorum við að tala saman í hádeginu um dauðann og að það væri dálítið óhuggulegt að hugsa til þess hvað maður eigi eftir að upplifa í framtíðinni, dauða nákominna fjölskyldumeðlima og annað. Stuttu eftir hádegismatinn fékk hún símtal þar sem henni var tilkynnt að pabbi hennar hafði lennt í slysi og svo kom síðar í ljós að hann var dáinn. (var hinn hressasti að fara til vinnu á mótorhjólinu sínu, en fékk hjartaáfall).

Best að halda áfram að vinna...
bless í bili,
khk

Var stoppuð af löggunni

2008-06-20T12:19:00.000-07:00

á leið heim úr vinnunni í dag, var nefnilega að tala í símann....já ég fylgdist ekki nógu vel með í speglunum þegar ég tók símann .....
Þegar hún stoppaði mig var það fyrsta sem hún bað um ökuskirteni, kvittun fyrir tryggingu á bílnum (nefnilega dálítið um það að menn keyri um á ótryggðum bílum) og nafnskirteni. Þegar hann sá þetta íslenska ökuskirteni spurði hann hversu lengi ég hefði búið hér og þegar ég sagði honum það, þá sagði hann að ég þyrfti að fá löggildingu á ökuskirteninu þar sem ísland væri ekki í evrópusambandinu. Ég reyndi að tala eithvað um samningin um evrópska efnahagsvæðið (en mundi samt að ein íslensk kunningja kona mín hafði sagt mér frá íslenskri stelpu sem hefði fengið mjög háa sekt fyrir að vera ekki búin að löggilda ökuskirtenið sitt (annnað að vera túristi, en það er víst leyfilegt að keyra um með alþjóðlegt ökuskirteni í hálft ár í sama landi). Lögreglan virtist nokkuð viss í sinni sök, en þar sem það kemur fram á spænska nafnskirteninu mínu eins og Ísland sé í Evrópusambandinu, hélt ég áfram að tala um þennan tiltekna samning. Þurfti svo að bíða ca hálftíma ut í vegarkannti á meðan lögreglan reyndi að hringja í rétta aðila til að afla sér upplýsinga. Þetta endaði svo með því að ég fékk 50 evru sekt fyrir að tala í símann, en ökuskritenið var látið gott heita þökk sé samningnum um evrópska efnahagsvæðið :) já hann er góður þessi samningur. Við fáum í raun flest þau hlunnindi sem fylgja því að vera hluti af evrópusambandinu en getum samt staðið fyrir utan. Held bara að það sé það besta í stöðunni.

Af öðru er helst að frétta að vinnan við að skipta út gömlum rafmagnsvírum fyrir nýja er langt komin, sést betur og betur að þetta var algjörlega nauðsynleg framkvæmd.
Þannig að það er ennþá mjög mikið að gera hjá okkur, ég má helst ekki koma heim með börnin fyrr en klukkan sjö , svo karlarnir fái vinnufrið. Ég fer þá á meðan á róló. Freistandi að fara á ströndina núna um helgina því það er orði svo heitt í veðri, en við verðum bara í róleheitum hér í Sabadell og veitum gömlu konunni, henni Jóakimu félagsskap.

Góða helgi kæru vinir og fjölskylda!!
Kristín Hildur

Jónsmessa

2008-06-18T02:38:00.000-07:00

Hér er hefð fyrir því að skjóta upp rakettum á jónsmessu (ekkert á gamlárskvöld). Í gær kom Óskar Helgi heim með poka fullann af " sprengjum fyrir krakka" ....(stóð Baby á pakkanum). Hljómar kannski dálítið undarlega að 5 ára krakkar fái að sprengja, en hann hafði fengið ömmu sína til að kaupa þetta fyrir sig. Þetta voru nú voða saklausar sprengjur, við prófuðum hluta af pakkanum í gær, en þetta var dót eins og flöskurnar með pappírslengjunum inní, hurðarsprengjur eða annað smælki sem gefur frá sér liti eða reyk á gólfinu. Sennilega meira úrval hér, því það er enginn snjór og þetta fær að skoppa um á stéttinni.

Tengdamamma er að fara í ferðalag þessa helgi og er búin að biðja okkur að "passa" mömmu sína, þannig að við flytjum inn til hennar og sofum þar í 4 nætur. Annars er hún Jóakima bara nokkuð hress, hefur lítið breyst frá því að ég kynntst henni fyrst. Henni er samt ekki treyst til að sofa einnri í íbúðinni.

Hitabylgja í nánd, mátti nú alveg búast við því þar sem mai og júni hafa verið óvenju kaldir og mjög svo vætusamir.

bless í bili,
khk

hæ

2008-06-11T22:56:00.000-07:00

Hér er allt að verða vitlaust vegna verkfalls vörubílstjóra (eru að mótmæla háu olíuverði). Vöruskortur er orðinn áberandi í búðum og fólk er farið að hamstra bensín (sko af því að það er ekkert bensín til á sumum stöðum, þar sem engir vöruflutningar eiga sér stað). Svo eru þeir líka að fara út á hraðbrautirnar og láta öllum illum látum og stöðva þar af leiðandi umferð. Ég var sem beturfer á öfugum vegarhelmingi í gær þegar ég var að keyra heim úr vinnunni, því það var allt vitlaust á hinum helmingnum.

Salvador og rafvirkinn eru byrjaðir að taka rafmagnið í gegn í húsinu, þannig að nú er aftur allt á rúi og stúi.

Verð að segja ykkur gullmola frá Óskari Helga. Ég var eithvað að skamma Fjólu um daginn og þá varð Óskar hinn reiðasti og sagði "mamma, þú mátt ekki vera svona vond við Fjólu"
Mér fannst líka rosalega sætt þegar hann spurði mig í fyrradag hvort hann mætti fara í trúðabúningi í skólann. Af því hann er mjög feiminn og vill jafnvel ekki vera í stuttbuxum, þá fannst mér þetta eithvað svo skemmtilegt. Þannig að í gær fór Óskar í trúðafötum í skólann ;)

Nammi

2008-06-10T03:36:00.000-07:00

Er búin að vera maula sælgæti sleitulaust síðan ég fékk gestina í heimsókn, ég er svo rosalegur nammigrís!! Mér finnst alveg æðislegt að fá íslenskt nammi (og líka norskt)Mjög feginn að hafa nánast enga samkeppni á heimilinu. Það mun samt ekki vara lengi því Fjóla er strax farin að sýna að hún er mikill sælkeri, veit alveg hvað er gott kex og hvað er hollt kex, fússar við því (hendir því jafnvel í gólfið) en hlær og skríkir ef hún fær súkkulaði kex. Eins gott að ég passi vel uppá nammiskúffuna mína, því ef hún kemst á snoðir hvar það er geymt verðum við í vondum málum...

Óskar minn er hinsvegar allt öðruvísi, hann biður mig að kaupa nammi þegar við förum að versla, fær sér eitt og gleymir svo alveg að það sé til.

Hitt og þetta

2008-06-09T22:46:00.000-07:00

Jæja, hér heldur bara áfram að rigna og enginn hiti í loftinu, eins og vant er á þessum tíma. Kaldasti mai mánuður í hundrað ár eða svo. Mér er svosem alveg sama, vil heldur hafa svona veður heldur en kæfandi hita. Ferðamennirnir eru kannski ekki alveg sáttir.

Salvador er búinn í prófum, jibbí!! Dálítið erfitt að hafa hann svona upptekinn. Í gær kom strákur að skoða rafmagnið með honum, en þeir ætla að byrja að vinna í því í dag. Rafvirkjanum fannst þetta nú ekkert líta svo illa út hjá okkur og held ég að bruninn hafi miklu frekar verið ofninum að kenna heldur en rafmagnskerfinu okkar. Slys geta alltaf gerst. En samt er nú ýmislegt sem má bæta, eins og að jarðtengja og koma í veg fyrir að maður fái stuð þegar maður er að setja í þvottavélina.

Það var annars mjög gaman að fá allar systurnar í heimsókn með kærastana sína. Við vorum samt dálítið óheppin því öll urðum við veik, sátum á klósettunum eða með föturnar fastar við rúmmin. Þannig að skipulagningin mikla fór algerlega út um þúfur ;)

Fréttir frá Íslandi

2008-06-07T00:33:00.000-07:00

Það var sorglegt að lesa um það í spænskum fjölmiðlum hvað Íslendingar voru gamaldags og fljótfærir þegar þeir drápu greyið ísbjörninn. Hefði verið svo gaman að lesa um það ef Íslendingar hefðu gert það sem í þeirra valdi stóð til að koma honum aftur heim til sín.
Það má ekki gleyma því hvað heimurinn er orðinn lítill og allar fréttir berast á örskotsstundu út um allan heim.

Svo fannst mér líka alveg týpískt að lesa þetta :
http://www.mbl.is/mm/frettir/erlent/2008/06/06/ekkert_leyfi_fyrir_hvalkjot/

Var þetta ekki vitað fyrirfram ?

Vona að Björk og Sigurrós nái að hrífa landann með sér til umhverfisvænni meðvitundar. Er mjög ánægð með þetta framtak hjá þeim.

Gestir

2008-05-27T01:53:00.000-07:00

Mikið fjör hjá okkur þessa dagana, gestir sem koma og fara. Það var mjög gaman að fá að kynnast Rebekku ljósmyndara, alveg frábær stelpa . Hún tók fullt af myndum af krökkunum og bíð ég spennt eftir að fá að skoða þær alminnilega. Vinkonur hennar voru líka fínustu stelpur. Fórum m.a. allar saman út að borða og héldum upp á afmæli Rebekku.

Verð í fríi næstu daga til að hafa það huggulegt með stórfjölskyldunni, hlakka mikið til :)
Bless í bili
khk

Föstudagur

2008-05-23T00:47:00.001-07:00

Stuttur dagur hjá mér í dag, mætti snemma og fer snemma til að sækja stelpurnar á flugvöllinn (þessar ókunnugu;)
Þegar þær fara á mánudaginn kemur fjölskyldan þannig að húsið verður vel nýtt þessa dagana. Skemmtilegt.
Góða helgi allir!!

Kirsuber

2008-05-21T01:26:00.000-07:00

Nú er kirsuberjauppskeran að ná hámarki, nammi namm!!
Kaupfélagið mitt er með mikið framboð af þeim, þannig að nú borða ég kirsuber á hverjum degi ;)
Kirsuberin í garðinum okkar eru enn óþroskuð, en eru að byrja að roðna, verða kannski tilbúinn eftir eina viku, akkúrat þegar ég verð með gesti í heimsókn, gaman.

sunnudagsmorgun

2008-05-18T22:42:00.000-07:00

Vá hvað það er erfitt þegar barnið manns vaknar kl 6:30 á sunnudagsmorgni í bana-stuði.....

Að öðru leyti var helgin ágæt. Er byrjuð að undirbúa komu stórfjölskyldunnar, en eftir akkúrat eina viku á ég von á 6-7 manns í heimsókn. Systur mínar ásamt mökum og barni. Hlakka mikið til. Undirbúningurinn fólst í því að laga til í stóra salnum niðri, koma fyrir rúmmum og ísskáp. En þessi salur var búinn að breytast í eina alsherjar rusla geymslu...

Rigning

2008-05-17T04:31:00.001-07:00

Það heldur áfram að rigna og ringa, mjög undarlegt. Vegna þessa er búið að leyfa aftur að vökva garða og fylla sundlaugar. Gott mál bara, en vona samt að gestirnir mínir fái sól og blíðu :)

Heimsókn

2008-05-14T00:30:00.000-07:00

Eftir rúma viku koma þrjár "blá ókunnugar" stelpur í heimsókn til okkar. Dálítið skrítið, en spennandi. Einn strákur í vinnunni sagði, " en hvað ef þær eru þjófar og ræningjar"
Segir dálítið um ókosti þess að búa í stórborg, en þar ríkir ekki mikið traust til náungans. Reyndar er maður oft að heyra sögur sem ýta undir þetta vantraust, eins og sagan af því þegar það var bankað upp á hjá einum vinnufélaga mínum og á tröppunum stóð kona og grátbað hann um að lána sér 5000kr, hún sagðist vera nágranakona hans (og eithvað gat hún sagt sem ýtti undir þá kenningu og hann trúði henni) og að hún hefði læst lyklana sína og peningana inni í íbúðinni og þyrfti bráðnauðsnynlega á pening að halda til að borga lyklasmið til að brjóta upp hurðina. Hann lét hana fá peningana og sá hana svo aldrei aftur....
En allavegana þá er ég að fá Rebekku ljósmyndara og vinkonur hennar í heimsókn. Ég hef áður kynnt ykkur fyrir henni ( er með tengil á myndasíðuna hennar hér til hægri) enda er ég mikill aðdáandi hennar :) Ég er mjög spennt að kynnast henni í eigin persónu, en ég held að ég hafi fylgst með myndasíðunni hennar í 3 ár eða svo.

Óskar Helgi

2008-05-09T22:57:00.000-07:00

er svo samviskusamur og góður strákur að manni finnst stundum nóg um. Í gær var vinkona hans í heimsókn og þau voru eithvað að leika sér með rúllugardínurnar (vildu gera dimmt). Ég sagði honum að hætta þessu því það væri oft vesen með þessar gardínur og að þær gætu fest sig. Stelpan hélt áfram en Óskar sagði henni eins og skot að hætta þessu. Svo kom í ljós aðeins seinna að gardínan hafði fests og Salvador skammaði þau pínu lítið, sagði að það mætti ekki leika sér með þetta. Óskar var alveg miður sín, tók þetta svo nærri sér og kom stuttu seinna með pening úr sparibauknum sínum til að gefa pabba sínum....

Hvítasunnuhelgi

2008-05-09T03:03:00.000-07:00

Góða helgi öll sömul!
Hér er rigningarspá alla helgina sem er gott mál, okkur vantar vatn...

Reikskynjari

2008-05-03T12:53:00.000-07:00

Gleymdi að láta ykkur vita að ég fann reikskynjara!! Við hefðum nú varlað þorað að flytja inn nema vera búin að setja upp nokkur stykki ;)

Flutt inn!!

2008-05-01T23:07:00.001-07:00

Jibbí, við erum flutt aftur heim!!
Rosalega góð tilfinning að vera komin aftur í húsið. Atriði eins og í morgun, að labba út í garð til að opna hliðið og heyra fuglasöng og finna lykt af gróðri er eithvað sem ég saknaði.

Var enga stund í vinnuna í morgun, enda eru allir í fríi. Hér er það nefnilega þannig að alltaf ef það sé frídagur á fimmtudegi, þá taka sér allir líka frí á föstudegi til að búa til 4 daga frí. Þeir kalla þetta "brú". Allir skólar og leikskólar eru einnig lokaðir. Alveg sama saga ef frídagur kemur upp á þriðjudegi. Ég er búin að taka svo mikið frí það sem af er árinu og svo ætla ég mér að taka minnst 3 daga þegar systurnar koma þannig að ég ákvað að vinna í dag. Reyndar er mjög fínt að vinna á svona dögum, engin umferð og rólegheit í vinnunni ;)

Bless í bili,
khk

Óskar Helgi komin heim

2008-04-29T22:51:00.001-07:00

Já það var mikið fjör hjá krökkunum í ferðalaginu og þau komu dauðuppgefin aftur heim, svo þreytt að Óskar sofnaði í bílnum kl 6.... Við gátum nánast ekkert spurt hann því hann var svo þreyttur... En svo vaknaði hann aftur um niu leytið og gat sagt okkur frá ferðinni. Hann var á heildina litið mjög ánægður, enda var þetta mjög skemmtilegt held ég. Farið í allskyns leiki og stöðugt skemmtiprógram. Það eina sem var kannski dálítið leiðinlegt var að hann fann sennilega meira fyrir því að vera með mjólkurofnæmi. En hinir krakkarnir fengu t.d. ís í eftirrétt og hann banana og fleira í þeim dúr.

Já ég er farin að hlakka rosalega mikið til að komast aftur í húsið okkar, sakna þess að hafa öll fötin mín aðgengileg, eldhúsdót, vera í garðinum og bara að geta verið heima hjá mér. Gæti samt orðið meiri töf því bílinn er enn ekki kominn í lag og til að búa þar verðum við að hafa bílinn. Sjáum til.
Áður en við flytjum inn setjum við reikskynjara í hvert herbergi. En það ætlar ekki að verða auðvelt mál að finna þá. Er búin að fara á tvo staði til að kaupa, en enginn kannast við að vera með reykskynjara...Já eins og ég var búin að segja er ENGINN með reykskynjara hér, undarlegt nokk. Ef leitinn verður árangurslaus verð ég að biðja ykkur systur um að kaupa fyrir okkur á Íslandi og koma með þegar þið komið í lok mai.

Óskar Helgi í skólaferðalagi

2008-04-28T22:37:00.000-07:00

Vá hvað litli strákurinn minn er orðinn stór ! Hann fór í einnar nætur ferðalag með skólanum í gær, kemur heim seinnipartinn í dag og bíðum við foreldrarnir spenntir að heyra ferðasöguna.

Við erum að hugsa um að flytja í húsið okkar á miðvikudaginn, enda er það alveg orðið íbúðarhæft núna, búið að mála og taka flesta skápa og skúffur í gegn. Vantar að "fín pússa" og hengja aftur upp myndir á veggi og fl. Við erum reyndar ekki búin að mála alveg allt, enda er húsið svo stórt en það er svo sem ekki bráðnauðsynlegt heldur.

Það er ekki enn búið að finna út úr þvi hvað kom fyrir bílinn þarna um daginn þegar ég varð stopp á hraðbrautinni, Jósep er búin að reyna allt en í dag koma einhverjir kallar og ætla að athuga hvort þeir geti gert eithvað, ef ekki þá eru síðustu úrræði að senda bílinn í umboðið, en mér skilst að það kosti minnst 1000 evrur (120000ikr).

Af veðrinu er það að frétta að það eru miklir þurrkatímar og nú er svo komið að það er búið að banna að vökva garða og fylla sundlaugar....veit samt ekki alveg hvernig á að fylgjast með því. Við verðum því að fara drífa í að safna regnvatninu svo við getum haldið áfram að hafa blóm í garðinum (það er samt ekki alveg svo auðveld framkvæmd, en eithvað sem við stefnum á að gera). Annars erum við líka með brunninn í garðinum og því getum við sagt að vatnið sem við notum sé þaðan (þó það sé ekki alveg satt því brunnurinn tæmist á örskotstundu).

Jæja best að fara hefja vinnunna, bless í bili!
Kristín

nammi

2008-04-23T00:22:00.000-07:00

Tveir yfirmenn mínir eru á Íslandi núna, á ráðstefnu. Hefði nú verið gaman að fá að fara með.
Bað hana um að kaupa íslenskt nammi handa okkur. Sjáum til á morgun hvort hún hafi orðið að bón minni.

Ýmislegt

2008-04-20T23:06:00.000-07:00

Á morgun er Sant Jordi, en það er "menningardagur" katalóna. Allir kaupa bækur og rósir þennan dag og gefa ástvinum. Hér í vinnunni er búið að skipuleggja skiptibókamarkað, en sl. vikur hefur maður mátt koma með bók og í staðinn hefur maður fengið lítinn miða sem gildir þannig fyrir nýja bók á markaðinum. Ég fór með eina bók og get því valið mér eina nýja á morgun.

Bráðum fer Óskar Helgi í gistiferðalag með skólanum. Þetta er mjög algengt hér að drífa krakkana í einskonar sumarbúðir þar sem gist er 1-2 nætur (já eða fleiri, fer eftir aldri). Mér finnst við "heppin" en þetta er fyrsta árið sem farið er í svona ferð og það er bara gist ein nótt (Óskar er 5 ára). En ég veit um aðra skóla þar sem farið er með 3 ára krakka í 2 nætur...(og engir foreldrar með). Algjör óþarfi finnst mér.
En hann er voðalega spenntur fyrir þessu, erum byrjuð að taka til dótið (enn meira en vika í brottför) eins og svefnpoka, vasaljós og fl.

Ég var stopp á hraðbrautinni á fimmtudaginn á leið heim úr vinnunni. Alveg á miðri hraðbraut, var á miðreiminni af þremur. Bíllinn alveg dauður og ég átti engan möguleika á að koma mér út í kant, gat heldur ekki farið út og sett viðvörunarþríhyrning, því það var stórhættulegt að fara út úr bílnum. Bílarnir flautuðu, ekki mikil þolinmæði hér nei... Ég hringdi á aðstoð (hér er innifalið í bílatryggingunni að maður fái aðstoð út á götu ef eithvað af þessu kemur uppá). Sem betur fer kom löggan fljótlega (ekki hún samt sem ég hringdi í) og hjálpaði mér að koma bílnum út í kant, enda var ég búin að skapa þetta þvílika umferðaraungþveiti !
Þegar aðstoðin kom lokst spurði ég oft og mörgum sinnum hvort hann væri ekki örugglega frá tryggingafélaginu Atlantis, en ég vildi ekki lenda aftur í að hoppa upp í bíl hjá einhverjum sem ég átti ekki að fara með og láta svo rukka mig um 20 þús. krónur. til að fá bílinn aftur lausan af pallinum. Allt gekk vel í þetta sinn og ég og bíllinn komumst heil heim á verkstæðið hjá Jósep mági.

Af húsinu er það að frétta að "þetta tekur aldrei enda" . Um helgina var samt unnið af hörku.

Skúra skrúbba bóna....

2008-04-14T00:48:00.000-07:00

Hæ hæ,
Um helgina var tekin ágætis skorpa í húsinu, búið er að mála allt það mikilvægasta þannig að nú erum við byrjuð að koma dótinu aftur á sinn stað. En það er nú samt heljarinnar vinna, skrúfa ljós aftur á sinn stað, festa hillur, þrífa allar snúrur, fjarstýringar, alla skápa og skúffur, en reykurinn smaug inn um allar rifur.... og það er ekki létt að þrifa hann af t.d. plasti.
Hvað um það, ég kvarta ekki því við búum eins og er í ágætis íbúð. Markmiðið er að við verðum flutt inn þegar systurnar koma í heimsókn í lok mai, en miðað við stöðuna í dag ætti það alveg að takast.

Fórum líka í grillveislu um helgina með vinnunni, það var bara fínt. Ágætt að leyfa Salvador að kynnast aðeins fólkinu sem ég vinn með.

Bless í bili, khk

myndir frá páskafríi á Íslandi

2008-04-06T23:09:00.001-07:00

Solla og Óskar Helgi baka pízzu

Í göngutúr niður á höfn

Er ekki svipur með frænkunum ?

Í heimsókn á vinnustofuna hans Magga

Fleiri kræklingamyndir

Eldri myndir

2008-04-03T23:01:00.000-07:00

Maja vinkona var að senda mér myndir frá því að hún kom í heimsókn. Kannski ekki beint hefðbundnar myndir frá ferðalagi...

3 brunabílar, einn sjúkrabíll og 2 lögguhjól komu á svæðið og 2 brunabílar í viðbót voru á leiðinni en voru sendir aftur til baka, þar sem búið var að slökkva eldinn.

Óskar fylgdist spenntur með úr glugga nágrannana

Við í sloppum að fá okkur morgunkaffi hjá nágrönunum

Á þessari mynd má sjá upptök eldsins, en hér var rafmagnsofn sem brann til kaldra kola, hurðinn brann líka dálítið og glerið í henni brotnaði.

nokkrar myndir

2008-04-03T01:48:00.001-07:00

Halló, ég hálf skammast mín fyrir hvað ég er orðin léleg að blogga. Væri svo gaman að setja inn mynd á hverjum degi og skrifa eithvað skemmtilegt. Ein afsökun sem ég hef er að það er miklu meira að gera hjá mér í vinnunni núna og svo líka af því að við höfum ekki netið því við búum ekki heima hjá okkur. Svo er líka annað en við sitjum mjög þétt hérna í vinnunni og allir nágranarnir sitja við hliðina á mér og horfa beint á tölvuskjáinn minn og þá er ekki eins þægilegt að hanga á netinu....

Allavegana, hér koma örfáar myndir frá íslandsferðinni, set inn fleiri við tækifæri.
En þetta er allavegana smá sýnishorn af því sem við gerðum.

Solla og Óskar úti í sjó í Hvalfirði að tína kræklinga

Pasta gerð sem haft var sem meðlæti við kræklingana sem tíndir voru
Skemmtiferð í Húsdýragarðinn

Sleðaferð í Bláfjöll

Helgi

2008-03-28T07:21:00.000-07:00

Er á leið heim í helgarfrí......hef ekki komið heim í húsið okkar síðan fyrir páska. En við búum eins og er í íbúð sem bróðir Salvadors á, þar sem enn er ekki íbúðarhæft í húsinu.
Getum vonandi gert eithvað smávægilegt um helgina, en geri ekki ráð fyrir að miklu verði komið í verk, því það er nánast ekki hægt að vera með krakkana þarna og svo er Salvador upptekin með heimavinnu fyrir skólann.
Maður verður að smyrja sig með þolinmæði :/
Góða helgi öll sömul!

Páskafrí á Íslandi

2008-03-25T00:09:00.000-07:00

En hvað það þetta er skrýtið eithvað, að vera komin aftur i vinnuna eftir að hafa "skroppið" til Íslands í páskafrí. Fyrsta skiptið sem ég kem í svona stutt frí til landsins. En þetta var samt alveg frábært, virkilega notarlegt að vera með fjölskyldunni í þessa daga, Takk fyrir okkur!!

Ég verð að viðurkenna að áður en við fórum kveið ég dálítið fyrir því að fara ein með krakkana, sérstaklega af því að Fjóla litla getur stundum verið ansi kröfuhörð og mikill orkubolti. En þetta gekk bara ágætlega því ég fékk svo góða hjálp ;)

Var ekkert að stressa mig á að hitta sem flesta, enda er það hálf tilgangslaust að vera reyna að hitta fólk ef maður hefur varla tíma til að spjalla við það. Hættum við að fara norður, sem var skynsamleg ákvörðun því við höfðum alveg nóg að gera fyrir sunnan, með skipulagða dagskrá nánast upp á hvern einasta dag.

Óskar Helgi var líka rosalega ánægður með ferðina, mér finnst svo mikilvægt að hann haldi góðum tengslum við íslensku fjölskylduna sína, vil ekki að hann verði bara algjör katalóni...

Við tókum fullt af myndum, vel út nokkrar góðar við fyrsta tækifæri.

Takk aftur fyrir góðar móttökur allir saman!!
þangað til næst,
khk
p.s. er búin að auðvelda "comments" kerfið, nú á ekki að þurfa að pikka inn neinn kóða

Bruni

2008-03-12T23:50:00.000-07:00

Það hefur verið mikið um að vera í lifi okkar síðustu daga. Það kveiknaði í húsinu okkar á föstudagsnóttina, en mjög mjóu munaði að mun verr hefði farið. Maja vinkona var í heimsókn á meðan þessu stóð og hefur hún skrifað frá atburðinum á sína síðu;
http://drit.blogcentral.is/

Við erum búin að koma okkur fyrir í íbúð sem bróðir Salvadors á og verðum við þar um tíma á meðan reynt verður að koma húsinu aftur í skikkanlegt ástand.

Annars er ég á leið til Íslands á föstudagskvöldið með krakkana, hlakka til að sjá ykkur sem flest!!

SigurRós

2008-03-07T05:08:00.000-08:00

Vildi bara segja ykkur (ef þið þá þegar vissuð það ekki) að youtube tileinkar SigurRós alla síðuna sína í allan dag.
Oh hvað mér finnst gaman að horfa á þetta, ég fyllist þjóðarstolti og heimþrá og og ..veit ekki hvað

Brúðkaup

2008-03-04T03:24:00.000-08:00

Þá er ég búin að fara í mitt fyrsta spænska/katalónska brúðkaup. Þetta var hefðbundið brúðkaup, eins og flest öll (ekki eins og á Íslandi þar sem hver hefur sitt brúðkaup eftir sínu höfði).
Þegar komið var á veitingastaðinn var pinnamatur, opinn bar þar sem maður gat pantað sér það sem maður vildi og svo þjónar á hverju strái að bjóða kampavín. Lifandi tónlist við sundlaugarbakkann osfrv. Þegar farið var inn var búið að raða til borðs og við 8 manna hringborð. Þá tók við forréttur, aðalréttur og eftirréttur með tilheyrandi vínum. Dálítið skondið, hvernig gert var mikið úr því þegar þjónarnir komu inn með matinn, eða vínið því þá fór svaka tónlist af stað til að beina athyglinni að þeim. Fyrst fóru tveir þjónar að borði brúðhjónanna og hinir röðuðu sér upp í línu á meðan, þegar hjónin voru búin að fá sitt máttu hinir þjónarnir byrja að vinna. Allt samkæmt kúnstarinnar reglum.
Svo kom brúðkaupsterta og í lokin var súkkulaði fondú, eða einhversskonar súkkulaði gosbrunnur þar sem maður gat dýft ávöxtum i í brunninn.
Það voru engar ræður, leikir, myndasýningar eða fjöldasöngur. En það er ekki hefð fyrir þessu hér, en það finnst mér einmitt gera brúðkaupin skemmtileg . Það eina sem var gert var að brúðhjónin úthluta lítilli styttu til einhvers pars í salnum sem þeim finnst að eigi að gifta sig næst.
Jú og svo dönsuðu þau fyrsta dansinn.
Svona veislur eru ansi dýrar, en málið er að maður er í raun búinn að borga fyrir þetta því í boðskortinu kemur fram reiknisnúmer hjónanna og það er"lágmark" að borga inn á reikninginn 10000ikr á mann (þannig að við Salvador borguðum 20 000) fyrir að koma í brúðkaupið....
Já þeir eru komnir ansi langt í að "viðskiptavæða" brúðkaupin.

33 ára

2008-02-25T03:14:00.000-08:00

Jæja, þá er ég orðin einu árinu eldri. Takk öll fyrir afmæliskveðjurnar, sms, tölvupóstar, facebook kort osfrv. Gott að vera minntur á að maður eigi góða vini og fjölskyldu sem muna eftir manni.
Afmælisdagurinn var bara notarlegur, fór með brownies í vinnunna öllum til mikillar ánægju, varð nánast að geyma boxið eins og faldan fjársjóð því annars kom fólkið streymandi að úr öllum áttum til að ná sér í meira.
Við fórum út að borða í hádeginu á fínan veitingastað en um kvöldið fór ég nú bara snemma að sofa, því Salvador fór í steggja partý fyrir vin sinn sem er að fara gifta sig um næstu helgi.
Um helgina fórum við í grillveislu, þar sem aðal atriðið er að grilla vorlauka og dýfa þeim í rosalega góða sósu. Laukarnir eru alveg rosalega góðir, alveg dún mjúkir (verður að grilla þá lengi til að þeir séu mjúkir í gegn) og svo sósan líka frábær.
Set inn myndir af því við tækifæri.
Bless í bili (mikið að gera í vinnunni núna...)

ég ólétt

2008-02-20T01:59:00.000-08:00

Fékk þessa mynd frá einum starfsfélaga, en hún var tekin haustið 2006 þegar við vorum að vinna á gamla staðnum. Núna erum við komin í miklu flottari byggingu, með alminnilegum gluggum, en þarna vorum við niður í kjallaraholu.

Heimsókn

2008-02-15T00:06:00.000-08:00

Jei, það er kominn föstudagur og Þórhildur systir og Egill koma í heimsókn á morgun. Hef reyndar aldrei áður fengið jafn snubbótta heimsókn, en þau stoppa bara í 24 tíma...En ég er nú samt mjög ánægð með að þau skuli kíkja við. Er að vona að það verði sól og blíða svo við getum dúkað upp borðið í garðinum og borðað hádegismatinn úti.

Ætla að athuga hvernig gengur að setja inn video, hér að neðan er eitt stutt af Fjólu.

Lífrænn landbúnaður

2008-02-13T01:12:00.000-08:00

Ég veit ekki alveg hvað ég var að spá að lofa svona upp í ermina á mér ægilegum pistli um lífrænan landbúnað....Ansi viðfermt efni og til að skrifa ágætan pistil þarf tíma til að lesa sig til og rifja upp hitt og þetta. Ég hef hinsvegar mikinn áhuga á efninu og að kynna mér þetta til hlýtar. Sérstaklega þar sem ég er orðinn félagi í þessu svokallaða kaupfélagi, en þar er kominn saman hópur af fólki áhugasamt um lífrænan landbúnað.
Það má alveg örugglega finna neikvæðar hliðar á málefninu, þess vegna borgar sig að skrifa upp lista með kostum og göllum og gera sér svo upp sína skoðun.

Kostir hefðbundins (eða inntensive) landbúnaðar:

Hefur aukið framleiðslugetu sína mikið, sem var nauðsynlegt vegna fólksfjölgunar
Verðið hefur lækkað (þar sem framleiðslan hefur aukist)
(sennilega fleiri kostir þarf að lesa mig betur til til að finna eithvað fleira hér)

Ókostir hefðbundinns landbúnaðar:

Notkun á skordýra og illgresiseitri er alltaf að aukast en virkni þess er alltaf að minnka (plönturnar og skordýrin eru orðin ónæm fyrir eitrinu)
Notkun tilbúinns áburðar er einnig að aukast, en gæði jarðvegsins er hinsvegar á niðurleið.
Fátæk ríki eru háð aðstoð að utan til að kaupa áburð og illgresis/skordýraeitur, en gætu annars verið óháð.
Aukin framleiðsla hefur sennilega náð hámarki og er jafnvel farin að minnka aftur þar sem búið er að “pína” jarðveginn í botn.

Ókostir lífræns landbúnaðar;

Minni afköst en við “hefðbundna” framleiðslu og þarafleiðandi þarf meira landrými til að framleiða sama magn.
Matvaran lítur stundum verr út
Dýrara í framleiðslu, þar sem það þarf meira landrými til að framleiða sama magn.
Minna úrval av vörum (þar sem ekki er hægt alltaf hægt að rækta allt í einu)

Kostir lífræns landbúnaðar;

Engin eiturefni notuð til að eyða illgresi eða skordýrum
Enginn tilbúinn(verksmiðjuframleyddur) áburður er notaður, en hann er slæmur því hann festist illa í jarðvegi og skolast því auðveldlega út með regnvatni. Eins og dæminn sýna erlendis hefur þetta leytt til að allt of mikil næringarefni hafa komist í ár og vötn og valdið þarafleiðandi ofvexti á þörungum og öðrum gróðri, sem hefur þá étið upp súrefnið í vatninu og það veldur fiskidauða… Einnig berast þessi efni í grunnvatn, sem getur svo gert það ódrykkjarhæft. Tilbúinn áburður inniheldur líka ýmis skaðleg aukaefni, eins og t.d. kadmium, en skortir á sama tíma allskyns snefilefni sem eru nauðsynleg jarðveginum.
Lífrænn áburður eykur næringargildi jarðvegsins og gerir jarðveginn “meira lifandi” í þeirri merkingu hann inniheldur meira lífrænt efni og fjölbreyttari flóru örvera. Lifandi jarðvegur er góður af því að honum helst betur á vatni, og minnkar líkur á skordýra/sveppa plágum.
Í lífrænum landbúnaði er stunduð skiptirækt, sem lýsir sér þannig að eitt árið er t.d. plantað kartöflum, en næsta ár er plantað tómötum á sama stað. Mismunandi grænmeti “sýgur” mismunandi næringu úr jarðveginum og með því að skiptast á klárar maður ekki ákveðin næringarefni úr jarðveginum (eins og getur gerst ef ár eftir ár eftir ár er plantað hveiti á sama stað) . Svo er það líka þannig að ákveðnar plöntur auðga jarðveginn af næringarefnum, eins og t.d. belgjurti, smári og lupina en þessar plöntur eru þeim eiginleikum gæddar að geta tekið níturoxíð úr loftinu og breytt því í nitur (köfnunarefni) sem er eitt nauðsynlegasta næringarefnið fyrir plöntur.
Við lífræna framleiðslu eru lögmál náttúrunnar höfð að leiðarljósi, framleidd eru matvæli án þess að skaða umhverfið né vöruna sjálfa. Hugað er vel að velferð jarðvegsins svo að hann geti framleitt matvæli um ókominnn ár.

Jæja eins og þig sjáið er listinn lengstur þar sem fjallað er um kosti lífræns landbúnaðar (enda eru þið að lesa bloggið hennar Kristínar ;)

Kaupfélag

2008-02-06T22:44:00.001-08:00

Ég er oriðin meðlimur í kaupfélagi !! Líst mjög vel á þetta. Þetta virkar sem sagt þannig að hópur fólks, sem er áhugasamt um lífrænan landbúnað vinnur saman og sækir vörurnar beint frá bóndanum. Á þennan hátt get ég fengið lífrænar matvörur á heildsöluverði. Hver og einn hefur sitt verkefni í félaginu og mitt verkefni verður að raða í hillur 2x í mánuði. Skemmtilegt samfélag og gaman að hitta fólk sem hefur svipaðar hugmyndir og ég.

Brúðkaup

2008-02-05T23:03:00.000-08:00

Loksins!! Ég er búin að bíða lengi eftir því að mér yrði boðið í fyrsta skiptið í hefðbundið spænskt/katalónskt brúðkaup. Sá sem ætlar að ganga í það heilaga er gamall vinur Salvadors ("læknirinn" fyrir ykkur sem munið eftir honum) en við héldum að hann mundi aldrei gifta sig, enda er hann rosalegur mömmustrákur, er í raun ennþá hálfgerður krakki þó hann sé 44 ára enda hefur mamma hans séð um allt fyrir "strákinn" sinn. Þetta verður klassíkst brúðkaup, en hér eru brúðkaupin flest öll eftir ákveðinni uppskrift (ekki eins og á Íslandi þar sem hver hefur sitt brúðkaup eftir sínu sniði). Það er lítill tími til stefnu, því þetta verður haldið 1 mars, ég verð því að fara panta tíma í hárgreiðslu við fyrsta tækifæri ;)
(verð að haga mér eins og spænsku konurnar, en þær fara allar í lagningu áður en farið er í brúðkaup)

Aðeins fleiri

2008-02-02T01:56:00.000-08:00

Tími fyrir myndir

2008-02-02T01:40:00.000-08:00

Sjálfstæðir Íslendingar eða ósjálfstæðir spánverjar ?

2008-01-24T22:46:00.000-08:00

Mér fannst dálítið fyndið þegar einn samstarfsmaður minn, strákur sem er 31 árs, var að segja að mamma hans færi alltaf með honum ef hann þyrfti að fara til læknis. Svo fórum við að ræða þetta aðeins og þetta er víst ansi algengt, að fólk þurfi að hafa með sér fylgdarmann þegar það fer til læknis. Eins er það líka þannig að ef einhver þarf að leggjast inn á sjúkrahús, er það lang oftast þannig að fjölskyldan býr til vaktarplan, þannig að það sé að minnsta kosti alltaf einhver fjölskyldumeðlimur með hinum veika (nótt sem dag og jafnvel þó að fylgdarmanneskjan hafi ekki rúm til að sofa í á sjúkrahúsinu)
Annars er það líka dálítið ólikt sjálfstæðis eðlinu í mér (sem íslendingi sennilega) að við þurfum alltaf að fara ÖLL saman í hádegismat, það verður að bíða eftir að allir séu tilbúnir og svo þegar við komum niður í matsalinn þá verðum við ÖLL að sitja við sama borð (og við erum stundum allt að 15manns) þannig að þá verður að tengja saman 2-3 borð.

Afmæli

2008-01-23T23:21:00.000-08:00

Leiðinlegt að vera með þessa Gubbupest efst á síðunni, þannig að ég verð að koma með eithvað nýtt til að segja ykkur frá.
Fór í gær í afmælisveislu með Óskari Helga, en afmælið var haldið í einhverskonar ævintýralandi, svipað og í Kringlunni. 4 krakkar úr bekknum voru búnir að taka sig saman og sameinast um að bjóða öllum bekknum í afmælið. Þarna inni gátu krakkarnir hamast í kúlum, rennibrautum og hoppað á dýnum alveg eins og þau vildu, voða fjör. Svo voru allir kallaðir til að borða, mjög gaman að fylgjast með öllum krökkunum og sjá hvað þau eru ólík. Svo kom bangsaklæddur maður með afmælisgjafir og dansaði með krökkunum. Eini gallinn á þessu að það var óþægilega há tónlist allan t ímann og svo var þetta einum of langt, ég var alveg búin að fá nóg (enda með Fjólu líka) en þetta var ekki búið fyrr en að verða hálf níu og þá átti maður eftir að koma sér heim :/
Jæja, bless í bili, khk

Gubbupest!!

2008-01-22T22:45:00.000-08:00

Er búin að vera frá vinnu í tvo daga vegna gubbupestar,þetta er ótrúlegur vetur en ég hafði ekki fengið svona pest i mörg ár og núna hef ég fengið 3 með stuttu millibili.
Eina góða við þetta er að þetta er ágætis megrunarkúr....

Þá vitiði það!!

Hitt og þetta

2008-01-21T00:24:00.001-08:00

Helgin er liðin, mamma og pabbi eru farin og fyrsta árið í lífi Fjólu er liðið.

Við héldum upp á afmælið hennar á laugardaginn með matarboði fyrir fjölskyldu Salvadors og mömmu og pabba. Vorum með einskonar brauðtertu í forrétt og ofnbakaðann aspars og svo pítsur í aðalrétt. Hafði aldrei áður gert heimagerða pítsu fyrir þau, sem þeim fannst voða góð. Í eftirrétt var ég svo með marens með rjóma og berjum, rice crispies kökur og úr því að ég átti eggjarauður afgangs við gerð marensins ákvað ég að prófa crema catalana. Það tókst bara vel.
Tók nokkrar myndir sem ég ætla setja inn sem fyrst.
Mamma og pabbi fóru heim í gær, held að þau hafi getað slappað vel af og notið þess að vera í sól og birtu, enda er búið að vera óvenju hlýtt og gott veður undanfarna daga.
Þau skildu eftir bók, handa mér til aflestrar og ég hef ekki getað látið hana frá mér fyrr en nú sem ég er búin að klára hana, en þetta var sagan af Bíbí Ólafsdóttur. Alveg frábær bók, ótrúleg kona alveg hreint og mjög vel skrifað hjá Vigdísi.

Eftir að mamma og pabbi fóru í gærmorgun fórum við að borða hjá gömlu fólki, en þau eru grænmetisætur og eru með mat einu sinni í mánuði fyrir alla sem vilja, maður greiðir 4 evrur. Mjög skemmtilegt, við sátum úti við langborð og svo er spjallað um heilbigt líferni og fl. Þau reka líka litla búð með lífrænum vörum og eru sérfræðingar í jurtum og ýmsu öðru. Salvador fór heim með poka af jurtum sem eiga að vera góðar fyrir sykursýki.
Skemmtilegt fólk.

Jæja, skyldan kallar!!
bless í bili, khk

Fjóla 1 árs!!

2008-01-17T22:53:00.000-08:00

Í dag er hún Fjóla litla ordin 1 árs!!
Holdum lítilega upp á thad á morgun, med matarbodi fyrir fjolskyldu Salvadors.
Hún er rosalega kraftmikil stelpa, heiljarinnar erfidi ad skipta um bleyju á henni thví hún hreyfir sig svo mikid, en hún er líka mjog hláturmild og skemmtileg. Er ekki farin ad labba enn, virdist vera dálítid í thad. Vid erum núna ad reyna kenna henni ad lifta einum fingri til ad sýna ad hún sé eins árs ;)

Party Tónlist

2008-01-17T02:31:00.000-08:00

Er að hlusta á The Killers, algjör party tónlist!!
Mjög skemmtilegt, manni langar bara að fara dansa, en ég sit bara hér í vinnunni fyrir framan tölvuna og er að fara yfir gröf....
Vildi bara láta ykkur vita ;)

Leyndarmálið

2008-01-14T03:16:00.000-08:00

Er búin að vera lesa leyndarmálið. Finnst alveg nauðsynlegt að lesa það sem er vinsælt, til að geta sagt mína skoðun á efninu. Hér hefur enginn heyrt um þetta, enda hefur myndin ekki verið sýnd hér. Leist ekkert allt of vel á bókina í upphafi, rosaleg einföldun fannst mér og hálfgerð blekking, en svo þegar ég er búin að klára bókina finnst mér þetta ekki alveg svo vittlaust og ég er ekki frá því að kjarni málsins sé sannur.
Það er gaman að þessu (en má ekki taka of bókstaflega) allavega ekki slæmt að tileinka sér jákvæða hugsun, bjartsýni og þakklæti.

Út ad borda

2008-01-08T23:42:00.000-08:00

Vildi bara segja ykkur frá thví thegar vid fórum út ad borda á sunnudaginn sídasta. Á sunnudaginn var pakkadagur, thví kvoldid ádur hofdu vitringarnir komid í hús med gjafir :) Thad var ákvedid ad fara út ad borda med stórfjolskyldunni. En thar sem fjolskyldan er svo lítil thá verdur thetta frekar samansafn af fjolskyldum sem kannski thekkjast ekki svo mikid. Vid vorum 24 manns, fjolskylda Salvadors, og konu bródur hans. Thetta er víst frekar algengt ad fjolskyldur sameinist á hátídisdogum og fari út ad borda á veitingastad, í stadinn fyrir hefdbundin íslensk jólabod er jólabodid haldid á veitingastad. Thad var grídarleg bid eftir thví ad komast ad, thrátt fyrir ad bordid hafi verid pantad med meira en mánadar fyrirvara. Stemmningin á veitingastadnum var mjog ólík thví sem madur á ad venjast á íslenskum veitingastad, vid satum vid langbord og flestir adrir voru líka í stórum hópum og sátu vid langbord og laetin eftir thví. Madur thurfti ad tala saman eins og madur vaeri á skemmtistad. Thjónustan var samt sem betur fer rosalega fljót og gód midad vid adstaedur. Allir pontudu sér forrétt, adalrétt og eftirrétt en réttirnir voru allir frekar "einfaldir" eda tahnnig, ég bad til daemis um kjúkling og ég fékk eitt kjúklingalaeri á diskinn án nokkurs medlaetis eda sósu. Enda er stadurinn fraegur fyrir grill, thannig ad allt er meira og minna grillad. Medlaetid kom á stórum diskum handa ollum, sem var t.d. ristad franskbraud (stórar sneidar) hvítlaukur og tómatur (til ad nudda á braudid) grillud thistilhjortu, hvitar baunir, og fl.
Alminnilegur matur, ekkert fínerí og stórir skammtar.
Vín var í bodi fyrir thá sem vildu, kaffi á eftir og likjor med. Allt saman kostadi thetta um 2000kr á mann, sem er mjog gott verd fyrir magn og gaedi.

Ad eignast born

2008-01-06T23:02:00.000-08:00

Í hádeigispásunni um daginn átti ég áhugavert spjall vid nokkra samstarfsmenn. Vid vorum 4 saman ad spjalla og allt i einu kemur í ljós ad tveir theirra vilja ekki eignast born. Ég vard mjog hissa og spurdi hvort makar theirra vaeru theim sammála sem thau svo svorudu játandi. Ég sagdi theim ad ég hafdi aldrei adur heyrt nokkurn mann tilkynna thetta. Thad hefur einhverneiginn bara verid sama-sem merki á milli thess ad vera par og ad eignast born. Annar adilinn er kona sem er alveg ny byrjud ad vinna med okkur og hinn adilinn er ungur strakur. Thetta spjall vakti mig til umhugsunar um thad ad thad er i raun frekar vitlaust hvernig allir í samfélaginu okkar aetlast til ad allir verdi ad eignast born. Eins og thad sé thad eina mikilvaega í lífinu og eithvad sem allir verda helst ad gera. Thetta aetti hins vegar ad vera spurning sem allir aettu ad spurja sig ad og hugsa mjog vel. Thví thad er án efa mjog mikil breyting á lífsstíl ad eignast born og í raun ekki eithvad sem hentar ollum. Ég býst vid ad thessi hugarfarsbreyting eigi eftir ad aukast á naestu árum, baedi af thví ad fólk er sjálfstaedara í dag en ádur og hefur fleiri taekifaeri til ad gera adra hluti en ad stofna fjolskyldu og hlada nidur bornum.

Gleðilegt ár 2008!

2008-01-01T22:49:00.000-08:00

Þá er komið nýtt ár. Held að árið 2007 hafi liðið hvað hraðast af öllum árum æfi minnnar. Nýja árið leggst bara vel í mig.

Get sagt ykkur fréttir, ég er búin að kaupa flugmiða fyrir mig og börnin til Íslands um páskana :)
Við höfum aldrei komið til landsins um páska síðan við fluttum út og núna þar sem það er beint flug og tiltölulega ódýrt ákvað ég að skella mér. Vonandi verður snjór svo Óskar geti leikið sér á sleða og búið til snjókall :)

Er komin aftur í vinnuna og hef nóg fyrir stafni hér.
Hafiði það gott, bless í bili
khk

Gleðileg Jól

2007-12-23T12:07:00.000-08:00

Kæra fjölskylda og vinir,
Gleðileg Jól og farsælt komandi ár!

Ég er búin að leggja mig fram við að gera heimilið jólalegt og huggulegt og er ég bara nokkuð ánægð með árangurinn. Hefði þó viljað vera búin að baka meira og þrífa betur ýmis smáatriði, eins og skápa og skúffur. En maður verður líka aðeins að slappa af.
Var að hlusta á skemmtilegan jóladisk með 3 á palli og svo hlusta ég líka á jólakveðjurnar á rás 1.
Vil reyna að halda í Íslensku jólahefðirnar því þær eru svo sérstakar.

Hafiði það öll sem best!
Kærar kveðjur,
Kristín Hildur

Tofrasýning

2007-12-18T23:32:00.000-08:00

Í gaer kom toframadur í vinnunna og hélt rosalega flotta sýningu (ekki bara fyrir okkur, heldur fyrir alla bygginguna sem er mjog stór). Hef aldrei sed annad eins, hann var med manneskju med sér, sem hann sagadi í sundur, lét tugi nagla skella á henni, lét hana svo hverfa og ég veit ekki hvad og hvad. Ég sat frekar nálaegt svidinu og gat thví séd oll smáatridi, alveg hreint út sagt ótrúlegt!
Eftir sýninguna var okkur svo bodid ollum i mat, standandi hladbord med smáréttum. Mjog gott.

Jólasveinn frh

2007-12-17T22:37:00.000-08:00

Ég gerdi smá taeknileg mistok i gaer... hefdi átt ad láta Salvador skrifa á nafnaspjoldin thví thau thekktu strax skriftina mína....jafnvel thó ad ég hefdi reynt ad vera eins hlutlaus og ég gat.
Annars var thetta mjog skemmtilegt bara, allir fengu eithvad vid sitt haefi og ein gjofin sló í gegn, en thad var trefill med raudum og gulum rondum (katalónski fáninn) sem ég átti upp í skáp (hafdi keypt á lokunarútsolu fyrir nokkrum árum) gaeda trefill úr vandadri ull og stelpan sem fékk hann var ekkert smá ánaegd. Enda er hún mikill thjódernissinni og fer reglulega í krofugongur og á fótoltaleiki thar sem landslid katalóníu spilar (theim er bannad ad taka thátt í althjódlegum mótum, thannig ad thad eru adeins vináttuleikir sem their geta spilad). Vid thessi taekifaeri er trefillinn alveg kjorinn ;)

Í dag er brjálad ad gera hjá mér í vinnunni, adstaeda mín hefur breyst skyndilega allt í einu er komin talsverd ábyrgd og mikid af verkefnum....verd thví ad fara hefjast handa.

Jólasveinninn ég !

2007-12-16T22:49:00.000-08:00

Það var ófremdarástand á okkur um helgina. Gubbupest reið yfir fjölskylduna, hver á fætur öðrum þurfti að standa yfir klósettskálinni. Ekki nóg með það heldur fékk ég hrikalega illt í bakið og gat mig varla hreyft á laugardaginn (leið sem betur fer hjá á u.þ.b. einum degi). Það eina góða var að hún Fjóla litla var alveg einstaklega þæg og góð og skemmtileg þessa helgi. Svo var líka bót í máli að þetta var stutt pest, einn dagur og búið.

Það fór því lítið fyrir jólaundirbúningi þessa helgina... Í gærkvöldi vorum við Óskar þó orðin nokkuð hress og þá lét ég undan þessum gífurlega þrístingi og við fórum að skreyta jólatréð. Mjög fallegt hjá okkur ;)

Í vinnunni á föstudag skreyttum við labbið hjá okkur. Settum upp jólatré og nokkra músastiga. Ég var búin að nefna að við ættum að skiptast á pökkum, hver að koma með einn (eins og maður gerði í gamla daga í skólanum) en fékk mjög dræmar undirtektir. Ég dó ekki ráðalaus og kom núna í morgun með pakka handa öllum (og mér líka :) Þar sem ég mæti fyrst á morgnanna gat ég komið þeim fyrir í ró og næði án þess að neinn sæi til. Ég ætla svo bara að setja upp undrunarsvip og segja að pakkarnir hafi verið undir trénu þegar ég mætti í morgun og að það sé einn á mann (þess vegna var nauðsynlegt að koma með handa mér líka)
Verður spennandi að sjá hversu lengi ég get leikið þann saklausa, hingað til hef ég nefnilega átt mjög erftitt með að þegja yfir leyndarmálum.

Læt ykkur vita hvernig þetta fer!
khk

2007-12-11T23:19:00.000-08:00

Halló,

Veit að ég er búin að vera mjög löt við að skrifa undanfarið. Samt hefurverið nóg um að vera sem ég get sagt ykkur frá.

Ég er ný komin úr 5 daga fríi, frá fimmtudegi til mánudags. Notaði tímann í ýmislegt. Á fimmtudag var verslað grimmt, til að geta komið jólakassanum með pökkum handa öllum í póst. Á föstudag var þrifið og lagað til og jólauppsetningin sett upp (eins og í fyrra, með mosa, vitringum, fjárhúsum og jesúbarni) og jólasería á svalirnar. Óskar og Salvador vildu líka skreyta jólatréið, en ég sagði NEI. Óþarfi að gera allt strax, verður nú að fá að geyma eithvað, þó svo að við bíðum kannski ekki alveg til 23 des eins og í gamla daga. En mér finnst leiðinlegt að vera búin að gera allt í byrjun des, þá hverfur þessi jólahátíðarstemning, sem er svo falleg.

Á laugardag fylltist svo húsið af gestum, vorum með piparkökubakstur fyrir krakkana, foreldrarnir komu líka með auk fleirri gesta en við vorum búin að reikna með, þannig að það sást ekki lengur að húsið hafði verið þrifið...sem skiptir náttúrulega engu máli ;)

Á sunnudag var svo farið á jólaball til Barselóna, þar sem sveinki mætti á svæðið með pakka handa krökkunum og nammi. Gengið í kringum jólatréð, sungið, drukkið glögg og borðaðar piparkökur og fl. Mjög skemmtilegt að íslendingafélagið sjái um þetta.

Svo er maður bara kominn aftur í vinnuna og hér er óvenju mikið að gera, sem er náttúrulega bara gaman J

Bless í bili,

khk

Helgi

2007-12-02T22:46:00.000-08:00

Hæ, hæ
Þá er þessi helgi afstaðin og stutt vika framundan (frídagur á fimmtudag og svo taka margir sér frí á föstudag líka og þar á meðal ég :)
Annars var síðastliðin vika ansi strembin. Salvador var í allskyns rannsóknum og svo kennsluprógrami fyrir sykursjúka og núna til að byrja með verður hann að fylgja mjög ströngu mataræði, frekar erftitt. Svo hefur hann líka verið með einhverjar sjóntruflanir, vona bara að það sé ekki varanlegt. Smám saman fer hann svo að vita hvað hann má og hvað hann má ekki leyfa sér.
Fjóla litla er svo búin að vera veik, með hósta og hor og dálítinn hita. En við létum þetta nú ekki aftra okkur frá því að halda matarboðið sem við vorum búin að plana. Ég held að það hafi bara tekist nokkuð vel, vona það allavegana. Hafði sjálf gaman af því að útbúa nafnaspjöld, svipuð og Maggi mágur hefur innleytt í fjölskylduna okkar. Það kryddar pínulítið borðið og fólk hefur gaman af þessu.

Í gærkvöldi setti Salvador upp jólaseríu á svalirnar ;)

2007-11-27T22:43:00.000-08:00

Er loksins að fá tækifæri til að læra eithvað nýtt í vinnunni, mjög ánægð með það :)
Bíður mín stærðar hlúnkur til að lesa, eða leiðarvísirinn að þessari nýju tækni sem ég er að fara nota. Reyndar eru 2 aðrar sem hafa gert þetta frekar lengi, þannig að þær kenna mér.
Er mjög lítið byrjuð að undirbúa jólin, verð samt að fara klára að kaupa jólagjafirnar sem eiga að fara til Íslands. Svo þarf ég að fara skrifa óskalista svo þið vitið hvað mig langi í í jólagjöf ;)
Bara stutt í dag, er að fara lesa!!
kveðja,
Kristín

Fyrirlestur

2007-11-26T22:53:00.000-08:00

Fyrrverandi yfirmaður minn, Kári Stefáns, var með fyrirlestur hér í vinnunni í gær. Mjög gaman að hlusta á hann. Hann fékk mjög flotta kynningu, en sá sem gerði það sagði að hann hefði verið nefndur af Time magazine sem einn af 100 mikilvægustu mönnum í heiminum í dag (eða eithvað svoleiðis). Kári byrjaði fyrirlesturinn á því að segja að enginn trúði neinu úr Time magazine...
Eftir fyrirlesturinn voru svo ýmsar spurningar og einn var dálítið lengi að orða sína og þá greip Kári bara framm í og sagði að spurningin væri orðin allt of löng og hann væri búin að gleyma hvernig spurningin byrjaði og vildi því reyna að svara úr því sem komið var. Hann verður sennilega seint kallaður kurteis. En annars fannst mér þetta nú bara allt í lagi hjá honum að vera svona hreinskilinn.

Sykursýki

2007-11-25T22:49:00.000-08:00

Um helgina fengum við staðfest að Salvador er kominn með sykursýki :(
Hann er búinn að vera óvenju þyrstur undanfarna mánuði og svo hefur hann lést um 5 kg á stuttum tíma, þannig að það var greinilega eithvað í gangi. Þegar hann fór að tala um þetta við bróðir sinn sagði hann strax að þetta væru byrjunareinkenni sykursýki, sem svo reyndist rétt vera. Hann er ekki búin að fara í alminnilega rannsókn og því vitum við ekki alveg á hvaða stigi hann er með þetta, en það kemur í ljós á föstudaginn næsta. Dálítið leiðinlegt, en það er samt lán í óláni að hann er nú ekki mikill sykurfíkill, þannig að þetta er ekki gríðarleg fórn fyrir hann (eins og þetta yrði fyrir mig), en samt fannst honum nú gott að fá sér kók og eithvað sætt í eftirrétt.

Matarboð

2007-11-22T22:46:00.000-08:00

Halló kæru vinir,
Langaði bara til að segja ykkur að við ætlum að halda stórt matarboð 1. des nk. Alltaf gaman að því. Eigum íslenskt lambakjöt í frysti sem við getum boðið uppá og svo þarf bara að finna einhvern góðan forrétt og eftirrétt. Reikna með að við verðum 12 fullorðnir og 4 börn (með okkur). Heiðurs gesturinn er Carlos, vinur okkar frá Mexico. Þess vegna notum við tækifærið og bjóðum öðru pari sem við þekkjum sem er líka frá Mexico og svo þekkir Salvador íslenska stelpu (frá Húsavík) sem á Mexikanskan mann. Þannig að þá má segja að þetta verði matarboð með íslenskum og mexikönskum blæ.
Annars eru engin sérstök helgarplön þessa helgi, kannski bara reyna þrífa dálítið og ef til vill kaupa eina eða tvær jólagjafir.
Góða Helgi!!

Komment

2007-11-22T03:56:00.000-08:00

hæ hæ,
Er búin að vera kíkja reglulega inn á nýju síðuna mína og bíða spennt eftir kommentum, en aðeins Þórhildur systir hefur kommentað. Þá sá ég að það var dálítið vesen, maður þurfti að skrá sig, en núna er ég búin að breyta því og allir geta kommentað!!

Bless í bili,
khk